準新娘影仙氣prewedding - 如何擺pose? IG女神教路!

貴為IG女神,倪晨曦(Elva)每次影相都能做到360度零死角,她絕對有一套影靚相必勝法。即將於2月結婚的她,早前就同未婚夫飛去「天空之鏡」玻利維亞影了一輯唯美婚紗照。對於一般準新娘而言,穿起婚紗擺pose要夠靚﹐可能會有點難度,今次Elva就同大家分享影pre-wedding相時如何擺pose最美,有KOL教路,效果真係會唔同啲!

影pre-wedding婚紗相時有甚麼心得?

Elva︰千祈唔好俾自己好大壓力,因為好多時影相你會可能見到人哋影呢啲好靚,我覺得做定啲功課都ok,可能你會有幾張相嘅pose好想去做,咁你可以同另一半夾一夾。我自己鍾意嘅風格就係旅行中比較causal嘅感覺。其實我自己影相就ok,好放鬆,但我另一半影相係好緊張,所以我就搵晒幾十張相喺度,跟住我就同佢講,不如你喺屋企練習下喇,你喺屋企睇下點樣可以放鬆自己嘅表情去影。

準新娘應該如何擺pose影pre-wedding婚紗相

我覺得好多時可能影相嗰陣時會跌入個框框,就係呀點樣先影得最完美呢?其實好多時影相反而有少少郁動呀,跟住望下邊一啲動作影到自己嘅身形靚,令到自己影出嚟張相會靚啲嘅。